Јапонците повторно не изненадија со својот најнов изум.

Веројатно најмногу ќе се израдуваат оние кои имаат проблеми со варењето и надуеноста... И не, тоа не се „оние таблети“ за реклами, туку специјални гаќи!

Овој неверојатен изум го апсорбира и брзо го остранува „гасот“, па околу вас нема да се шири непријатен мирис и ќе можете да се „олесните“ кога и да посакате.

Претставниците на фабриката Sieren, која се занимава со производството на овој потребен изум, велат дека на усовршувањето на моделот работеле неколку години.

„Првенствено се наменети за оние кои имаат здравствени проблеми и баш се изненадивме кога нашиот производ почнаа да го купуваат и здрави луѓе“, кажаа од Sieren.

Гаќите се направени од влакна со керамички честички, кои ги отстрануваат несаканите мириси.

Од фабриката порачуваат дека нема да запрат кај овој изум, туку дека ќе направат чорапи против непријатен мирис, како и маички кои ќе ја впиваат потта под пазувите.