Кока Кола на својот интернет сајт наменет за жителите на Велика Британија поставил нов калкулатор на калории кои ви кажува колку калории содржат поединечни производи од оваа компанија. Меѓутоа, според овие информации, посетителите можат да дознаат и колку вежби е потребно за да ги согорат тие калории...

Доколку сакате да се напиете лименка Кока кола, мора да издржите 17 минути кошарка или 32 минути јога за да ги согорите тие калории, доколку сте жена која има 60 килограми.

Доколку не сте личност која би одела на теретана, по пиењето на газираниот пијалок можете да поминете 29 минути во прошетка или 70 минути во пеглање на веш.

Овој вид на обележување постои веќе некое време, а истражувањата покажале дека доколку со производот стои и инфомација за тоа колку активност е потребно калориите добиени од неговото козумирање да се согорат, купувачите ќе бидат значително повнимателни при купувањето.