Во Женева е испечена торта долга повеќе од еден километар, пренесува светскиот печат.

Тортата од пандоспан и крем долга е 1,2 километри, а за неа се истрошени повеќе од четири тона состојки. Пекарите и слаткарите од пекарата „Жил Деплонш“ со овој подвиг прославија 25 години работа.

Подготовките за правењето на џиновската торта почнале пред два месеци, а 200 вработени и тимови волонтери неуморно печеле пандоспан повеќе од една недела.

„Тортата има три слоеви, така што всушност се испечени 3,6 километри тесто“, гордо рече пекарот Кундасавми Фронс.

Претставниците на Гинис објавија дека тортата го соборила претходниот рекорд поставен во 1992 година во Белгија, кој го држела торта долга „само“ 1.037 метри.

Погледнете.