Американец најпрво украл комбе за достава, а потоа уредно го испочитувал распоредот.

Кит Хајндс (45) од Хартфорд, Конектикат украл паркирано комбе за достава на кинеска храна. Тој брзо избегал, а возачот ја пријавил кражбата.

Кога ресторанот им се јавил на муштериите кои таа вечер порачале јадење за да ги извести дека порачките нема да стигнат, еден од нив збунето одговорил дека храната штотуку стигнала.

Управникот на ресторанот од останатите муштерии дознал дека крадецот уредно на сите им ја доставил храната по списокот во комбето, им наплатил и го прифатил бакшижот.

Уапсен е на следната адреса за достава, и обвинет е за кражба и поседување на марихуана.