Во Британија е забележан прв случај на развод поради книгата „Педесет нијанси на сиво“.

Банкарка од Лондон, чие име не е соопштено, навела во барањето за развод дека го остава мажот поради неговата незаинтересираност за хит книгата на авторката Е. Л. Џејмс.

„Педесет нијанси на сиво“ е приказна за садо-мазо врската на една студентка со еден бизнисмен, која направи вистински бум на пазарот и на толпа жени им послужи како прирачник за „зачинување“ на сексуалниот живот.

„Мојата клиентка ја купи книгата веднаш откако истата излезе во продажба, и безброј пати му предложувала на мажот да пробат нешто од книгата за да го освежат сексуалниот живот. Тој упорно одбивал“, наводи адвокатката Аманда Мекалистер и додава дека ова е прв пат некој во судските документи да ја наведе оваа книга како причина за развод.

Според британскиот закон, „неразумното однесување“ на едниот од сопружниците е доволна причина за развод, а банкарката незаинтересираноста на мажот за експериментирање во сексот ја наведува токму под таа категорија.

Нејзиниот иден поранешен сопруг, исто така банкар, ја призна „вината“ пред судот за разводот да се заврши побрзо, и неговото ниско либидо да не мора да се објаснува пред судот.