Деветгодишно девојче мора да пие 6 кригли млеко дневно за да остане живо.

Холи е девојче кое боледува од гликогеноза. Тоа е наследна болест на пореметување на ензимите кои учествуваат во разградувањето и синтезата на гликогенот и поради тоа телото на Холи не може храната која ја јаде да ја претвори во енергија.

Затоа, таа мора да пие шест кригли млеко дневно за воопшто да остане жива, пишува The Mirror.

Нејзината 35 годишна мајка Карен месечно издвојува и до 2.000 фунти за се што и е потребно на нејзината ќерка.

„Понекогаш мораме да се потсетиме дека сето тоа е за нејзино добро“, кажа Карен.

На Холи болеста и е дијагностицирана од двегодишна возраст, а поради неа ќе мора да пие секој ден се повеќе млеко, затоа што колку што е постара, толку повеќе енергија и треба.