Нумеролозите тврдат дека датумот во кој се застапени последователни броеви имаат посебно значење...
Денес во 13 часот и 14 минути времето ќе покажува 10/11/12/13/14 т.е. 10-ти ноември 2012 година, 13 часот и 14 минути. Таквите ситуации, велат нумеролозите, имаат големо значење. Истото важи и за 8 часот и 9 минути кога ќе биде 8/9/10/11/12.
Поради тоа многу парови закажуваат венчавки токму на такви датуми, а во екстремност одат трудниците кои се обидуваат на сите начини да потикнат контракции за нивното дете да се роди на "среќна дата". Да кажеме дека детето ќе се роди на 10.11 во 01 часот, тоа во својата дата и време на раѓање го има два пати бројот 101 кој е многу значаен во нумерологијата.
Скептиците не се согласуваат со овие тврдење дека нечија судбина ја одредуваат некакви датуми или броеви, но едно е сигурно, оној кој ќе заплови во брачните води на денешен ден, тешко дека си ја заборави годишнината на бракот.
