Тетка Розмари не беше единствена позната роднина на холивудскиот актер Џорџ Клуни.

На неговото семејно стебло сега може да се додаде и познатиот американски претседател од времето на Граѓанската војна, Абрахам Линколн.

Политиката, како што се чини, генетски е запишана во крвта на актерот бидејќи сајтот кој се бави со генеологија Ancestry.com откри дека познатиот актер е далечен роднина на американскиот претседател Абрахам Линколн.

Мајката на Линколн, Ненси Хенкс била полусестра на четвртата прабаба на Клуни, Мери Ен Спероу.

Тетка на Клуни беше и пејачката и актерката Розмари Клуни, која почина во 2002 година.

Актерот, познат по својот политички активизам, е едн од најсилните холивудските поддржувачи на Барак Обама, за кого организира вечера во својот дом во Лос Анџелес на која за потребите на Демократската странка се собрани 15 милиони долари.

Линколн, републиканец, се смета за еден од најсилните претседатели во историјата на САД. Тој земјата ја поминал низ Граѓанската војна и го укинал ропството.