Аrt deco е кратенка од францускиот израз "art dècoratif", кој означува декоративна уметност. Стилот се појавил во модерната уметност (од 1920 до 1930) во Европа и САД. Аrt deco е познат по тоа што посебно внимание придава на внатрешното уредување на просторот, а во тој период дури и сликарството попримило декоративна функција. Еве неколку совети за уредување на вашата бања...

Боја
Јаките и свежи бои биле клучен елемент на дизајнирањето на бањите во 30-тите години од минатиот век. Најпопуларни бои биле светло розева, лимон жолта и минт зелена. Одредете ја бојата која ќе доминира во просторот и послужете се со црни и бели детали со кои ќе го надополните целокупниот изглед.

Ретро детали
Со деталите како порцелански рачки на славината или на вратата од бањата ќе го постигнете посакуваниот ретро изглед. Исто така, при изборот на огледало најпрво обрнете внимание на оние необични геометриски облици. Изгледот надополнете го со декоративни парчиња како ваза или мали скулптури.

Осветлување
Аrt deco бањите биле познати и по големите лустери кои го привлекувале вниманието веднаш при влегување во просторијата. Луксузните ламби со стаклени детали ќе бидат идеален избор, но во случај просторијата да е премала за такво осветлување, изберете ги оние ѕидните кои исто така ќе послужат за целта.