Германска компанија за осигурување е дадена на суд поради несекојдневната награда за работник на месецот.

Компанијата Ergo беше на мета на критиката кога се дозна дека за годишната прослава изнајмила велнес центар во Будимпешта и го „наполнила“ со проститутки.

На забавата за 64 вработени во осигурителната компанија, се појавиле десетина проституки, кои биле уредно обележани со траки на рацете.

Шанкерките и хостесите имале трака со една боја, а проститутките со друга, за работниците да не им пријдуваат на келнерките со непристојни понуди.

Поединечни проститутки, најубавите и најзгодните, носеле трака со бела боја, што значело дека се резервирани само за работникот на месецот, пишува германскиот печат.

Оваа забава се случила пред неколку години, но дури сега стигна на насловните страници затоа што управата на друштвото Ergo е под истрага поради проневера и други „матни“ работи.

Обивнети се двајца топ менаџери, кои хонорарот за проституките го оправдувале како патен трошок, како и човекот кој им помогнал да ја организираат забавата и ги споил со десетина проститутки желни за работа.

Се проценува дека журката чинела околу 50.000 евра, пишува германскиот печат.