Судот во Кливленд, во американската држава Охајо, осудил жена поради сообраќаен прекршок, а пресудата гласи: „мора да носи транспарент на кој пишува дека е идиот“.

Жената е осудена затоа што возела по тротоарот за да го заобиколи училишниот автобус кој стоел на станицата.

Шина Хардин (32) ќе мора да стои на раскрсницата два дена по ред по еден час, со табла на која пишува „Само идиот вози по тротоар за да заобиколи училишен автобус“.

Судот исто така и ја одзел дозволата на Хардин на 30 дена и и наложил да плати судски трошоци од 250 долари.