Овде станува збор за луѓе кои спијат сами. Ако секогаш си легнувате заедно со својот партнер, овој текст не се однесува на вас и вашите пози при спиење...

На стомак
Само 13% од луѓето ја сметаат оваа поза удобна за спиење. По правило тоа се прилично амбициозни личности кои сакаат да бидат совршени или барем беспрекорни. Барањата им се високи, а целите - големи. Лесно ќе ги познаете во секојдневниот живот - тие се педантни, стабилни и навистина сакаат да подредуваат. Впрочем научници од Хонконг утврдиле дека луѓето кои спијат на стомак почесто сонуваат еротски соништа од другите.

Во поза на ембрион
Во оваа поза заспиваат приближно 59% од луѓето. Но, мора да се обрне внимание на деталите, т.е. на состојбата на колената. Со малку свиткани колена спијат избалансиран луѓе навикнати да се потпираат повеќе на разумот отколку на своите емоции, но при тоа се држат до правдата. Ако колената се силно свиткани (до речиси под лактите), човекот најверојатно е креативен, но и доста практичен, иако живее претежно со чувства, а не со разумот. Во сите случаи луѓето кои спијат во поза на ембрион имаат потреба од јасно подредени приоритети (на пример семејството - на прво место) - така се чувствуваат посигурни.

На грб
Оваа поза ја избираат околу 18% од луѓето (впрочем, многу од нив 'рчат). Се смета дека овие индивидуи се донекаде самобендисани. Сигурно не страдаат од ниска самодоверба и по правило мислат прво за себе а потоа за другите.

Настрана
Во оваа поза спијат избалансирани луѓе кои постигнале хармонија со себе и внатрешна рамнотежа. На прв поглед ќе ви се причини дека лесно може да се манипулира со нив, но всушност не е така - тие имаат доволно сили за да не дозволат да бидат искористени.

Со перница или ќебе во прегратките
Многу луѓе ја прегрнуваат перница или ќебето за време на спиењето. Тоа впрочем не значи дека човекот нема кого да прегрне или е лишен од семејството. Оваа навика покажува дека овие луѓе имаат потреба да чувствуваат постојано поддршка од блиските. Притоа често и тие самите ја преземат улогата на заштитник, давајќи му чувство на сигурност на семејството.