Лежење во "поза на лажица", е активност која за секој пар има посебно место во нивниот однос. Но, за сите оние кои немаат партнер за тоа, добрите вести доаѓаат во облик на еден бизнис наменет за помош токму на луѓето на кои им треба мазење...

Жаклин Самуел од Њуорк отворила студио во кое нуди услуги на галење и прегрнување, но секако, без сексуални импликации.

Во студиото кое го нарекла "The Snuggery", заработува 60 долари на час, а се "гали" и со 30-тина мажи неделно.

"Мислам дека сум родена да се галам. Можеби звучи глупаво, но едноставно го имам тоа во себе. Многу мислат дека сум проститутка, но тоа навистина не е така и нема никаква врска со сексот. Мазењето е нешто сосема друго, тоа е здраво, добро за духот и многу забавно", нагласила Жаклин.

На нејзината официјална страна пишува: "Жаклин отворила студио за галење затоа што верува во исцелителната моќ на допирот. Овде можете да се одморите од вревата и стресот од секојдневниот живот и да уживате во убавините на допирот."