Руската поп ѕвезда ќе добие отштета поради текстовите во весниците во кои е прогласена за вампирка.

Елена Крулјова, која настапува под уметничкото име Елена Ваенга, тужела неколку руски таблоиди кои за неа пишувале невистини. Меѓу најурнебесните наслови бил „дека Елена е вампирка“, поради што барала 200.000 долари отштета.

Судот во Москва одлучил дека тој наслов ја извалкал нејзината чест и нејзиниот углед, но одредил отштета од само 3.200 долари.

„Собеседник“ порано пишувал дека Ваенга е „вештерка, гатачка и исцелителка која древните мрачни вештини ги научила од семејството на својот сопруг“.

Во октомври, руската поп ѕвезда доби 5.000 долари отштета од друг таблод, кој објавил дека е бремена.