Една жена од Охајо неодамна направила еден навистина несекојдневен злостор. Сусан Варен влегла во една куќа без знаење на сопствениците, но не за да ја ограби, туку да ја исчисти...

53-годишната жена, наречена "вила чистачка", на необичната акција се одлучила откако, минувајќи со автомобилот пред куќата во Кливленд, забележала дека внатре е многу неуредно.

Сакала нешто да направи па провалила во куќата, ги измила филџаните, ги исчистила подовите со правосмукалка, ја избришала прашината, го извадила ѓубрето надвор и си заминала. На сопствениците им оставила сметка за извршување на услугата во износ од 75 долари. Иако во тоа време 19-годишната ќерка на сопственичката спиела во соседната соба и слушнала чекори, не станала бидејќи мислела дека нејзината мајка најмила некој за чистење.

Варен признала дека е сопственичка на компанија за чистење и дека понекогаш на сопствена иницијатива влегува во туѓи домови да исчисти и потоа остава сметка. Се изјаснила како виновна така што судот би и ја намалил казната за неовластен влез на туѓ имот и обид за кражба, а пресудата ќе биде изречена по 26 ноемрви.