Со над 90 операции успееја да го постигнат изгледот на Кен и Барби. За жал, тие двајцата не се пар како што тоа е случај во светот на куклите на кој се угледале.

Њујоркчанецот Џастин Џедик и Украинката Валерија Лукјанова со помош на пластичната хирургија успејаа да ги постигнат изгледите на Кен и Барби, но од љубовта нема да биде ништо, затоа што „Кен“ се уште не е задоволен од изгледот на „Барби“.

„Таа е прекрасна, но ми се чини дека поголем дел од нејзината трансформација ја прават шминката, периката и корсетите кои нејзината половина ја прават многу тенка. Многу трансвестити го прават истото веќе со години. Не ми е привлечна. Јас секогаш изгледам исто, а не сум сигурен дали тоа е случај и со неа без шминка и ‘крпички’“, рече „Кен“, кој на своите операции потрошил повеќе од 100.000 долари.

Валерија на операции потрошила повеќе од 800.000 долари и уште не е целосно задоволна од својот изглед. Можеби на „Кен“ ќе му се допадне откако во своето тело вложи „милионче“.