Авио-комапнијата Air New Zealand вработила хобити на патниците да им објаснуваат како да ги врзат безбедносните појаси.

Во најновиот видео спот за правила за однесување на летовите на компанијата Air New Zealand, како да ги врзат појасите објаснуваат хобити.

Спотот, кој се појави пред премиерата на филмот на Питер Џексон „Хобитот: Неочекувано патување“, содржи специјални ефекти и дигитален Голум кој покажува каде се наоѓаат излезите во случај на опасност.

И самиот Џексон се појавува во спотот од четири и пол минути пред да исчезне ставајќи го „драгоцениот“ прстен околу кого се вртеше неговата со Оскар наградена трилогија - „Господарот на прстените“.