Сепак: среќата е во парите. Тоа го покажа истражувањето меѓу холандските милионери, направено од банката Van Lanschot. Од финансиската институција интервјуира над 200 сопственици чија финансиска состојба е над 1 милион евра, соопштува Dutch News...

86% од богатите признале дека се чувствуваат посреќни во однос на времињата кога не поседувале голема сметка. При тоа колку повозрасни се милионерите, толку повеќе ги ценат парите.

Истражувањето покажа уште дека жените ги сакаат парите повеќе од мажите. 70% од жените сметаат дека економската ситуација влијае позитивно врз самодовербата, додека кај мажите така мисли само еден од шест лица.

Истражувањето покажа уште дека во Холандија има 92 000 домаќинства со финансиска состојба над 1 милион евра. На околу 100 Холанѓани се паѓа 1 милионер, од кои 53% можат да се пофалат дека сами го имаат постигнато тој статус.

Милионерите го контролираат 39% од приватниот капитал на земјата.

Просечниот милионер е на 50 години, 40% имаат вишо или високо образование, 75% вежбаат редовно. Впрочем се покажа дека на милионерите во Холандија помалку им се  заканува прекумерна тежина од останатите социјални групи.

Просечниот холандски милионер има 2.9 милиони евра и живее во предградијата на Амстердам или во покраината Утрехт.