Овој четврток бугарските археолози велат дека во источна Бугарија е откриен најстариот град во Европа...

Професор Васил Николов, од Националниот институт за археологија, изјавил дека камените ѕидини кои ги открил неговиот тим во близина на градот Провадие датираат меѓу 4700 и 4200 година пред Исус, што е дури илјадници години пред почетокот на древната цивилизација. Тие се високи од прилика три метри и дебели два, а се верува дека во прашање е најстарата тврдина во европаската историја, пренесува Huffington Post.

Тоа е населба, во која живееле од прилика 350 жители, било важно место за производство на сол, а може да биде и значајно за објаснување на пронаоѓањето на голема количина злато во близина на истата локација пред 40 години.

Ископувањето на локацијата започна уште во 2005 година, а на неа се пронајдени остатоци од двокатници, бакарни игли и керамика, кои упатуваат на заклучок дека биле во прашање богати луѓе кои првенствено се занимавале со производство на сол.

Николов очекува нови пронајдоци кога неговата екипа ќе се врати на истата локаци идното лето.