Можете ли да замислите да одите во ресторан и да седите на стол од картон, а келнерите да ви служат ручек и пијалок во картонски садови? Звучи малку како детска игра, но токму еден таков ресторан постои во Тајван...

Сопственикот на ресторанот Carton King цел живот работел како продавач на хартија па така своето искуство го искористил на креативен начин. Во ресторанот апсолутно се е од картон и рециклиран материјал, вклучувајќи ги и столовите, масите, чиниите, чашите па дури и лустерите и декорациите по ѕидовите.

Ресторанот Carton King успешно работи веќе три години и сигурно е еден од најнеобичните ресторани во светот. Ви претставуваме неколку фотографии а вие размислете дали би можеле да вечерате во ваков ресторан.