Иако изборот за најсреќен човек на светот изгледа бесмислено, невролозите од американскиот универзитет Висконсин го скенирале мозокот на познатиот соработник на Далај Лама, Метју Ричард, и заклучиле дека токму тој е најсреќниот човек на светот...

Со скенирање е откриено дека неговиот мозок во состојба на медитација емитира никогаш до сега забележана количина на гама бранови. Поточно, скенирањето покажало претерана активност во левиот преден дел која, како што тврдат научниците, му дава "абнормално голем капацитет за среќа и намалена склоност кон негативно размислување".

Тајната на среќата
Ричард на многумина им е познат од порано. Овој 66-годишен човек докторирал молекуларна генетика, а пред повеќе од 10 години, својата научна кариера ја прекинал и во целост се посветил на религијата.

Меѓутоа, Ричард тврди дека не се работи за "чудо" и дека секој од нас може да биде среќен ако се посвети на "тренирање на мозокот". Тајната лежи во медитацијата.

"Механизмот на радост и страдање е она што будизмот се труди да го открие. Се работи за т.н наука на умот", изјавил Ричард. Неговата теорија ја потврдиле и научниците кои тврдат дека 12-годишната медитација оставила трага на неговиот мозок кој денес функционира поразлично од мозокот на просечна личност.