Пејачката лансирала апликација за приказни за добра ноќ.

Алиша Кис претстави апликација за читање приказни за добра ноќ по име „Дневниците на Мама Меј и Лили“. Приказната следи девојче и нејзината баба и авантурите кои ги доживуваат заедно.

„Бев инспирирана од својот однос со баба ми, која секогаш ми раскажуваше приказни“, вели Кис и додава дека инспирацијата ја пронашла и во приказните кои му ги раскажува на својот двогодишен син Иџипт.

Апликацијата ја нуди и можноста детето да создаде свој дневник, во кој може да става сликички и текст.

„Пишувањето дневник беше голем дел од моето детство, и одличен начин да се изразам“, рече пејачката.

Кис компонирала мелодии и напишала текст за музиката за апликацијата, која чини 3,99 долари и наменета е за уредите iPhone, iPad и iTouch.