Според истражувањето спроведено во Соединетите Американски Држави, просечна личност најголем дел од животот поминува во спиење и на работно место.

Ако се земе дека просечниот животен век е 72 години, човекот речиси третина од животот ја преспива, поточно 21 година поминува во кревет, додека 14 години поминува на работно место, што значи дека речиси една четвртина од својот живот поминува извршувајќи професионални обврски.

Дури седум години просечна личност поминува во одржување хигиена и индивидуално чистење, што е десет проценти од вкупниот животен век кој и стои на располагање.

Освен наведените активности, просечната личност за исхрана троши шест години од животот, за чекање во ред - пет години, за учење и студирање - четири, одржување на состаноци - три, а за телефонски повици троши две години.

Интересно е што според истражувањето на американските научници, просечната личност во текот на својот животен век една година поминува во барање на изгубени предмети, додека останатите три години ги троши на останати секојдневни активности, како што се излежување и гледање телевизија.

Научниците пресметале дека до 60 година од животот просечната личност пет години поминува во кујната, а 3,5 година во сообраќај.

Една личност просечно поминува по шест месеци во ве-це, на работи како што се перење долна облека и пеглање, а исто толку и за шопинг.