Осигурителните компании во Велика Британија се соочуваат со се почудни места каде што луѓето се повредуваат или го губат својот мобилен телефон...

Истражување на сајтот "mobileinsurance" состави листа на најдобрите чудни случаи во последниве месеци како телефони во торти, во тоалети, па дури и во задните делови на животни.

Звучи запрепастувачки нели, но сигурно пошокирана била кравата од Девон која добила iPhone "позади". Земјоделец се обидел да свети со фенерот од мобилниот додека го вадел теленцето од кравата, кога без да сака го испуштил телефонот.

Двојка, која била на крстарење пак го изгубила својот iPhone додека ја имитирале сцената од филмот "Титаник". Ова не се најчудните приказни. Сигурно понепријатно се чувствувала младата британка од Бристол, која ги користела вибрациите на телефонот наместо еротска играчка при што мобилниот се "изгубил" во едно доста недостапно место.

Секако примерите не завршуваат тука. Не се малку случаите кога луѓето го перат својот iPhone во машината за перење, го испуштаат во кафезот на мајмуните во зоолошката градина или без да сакаат ја вкусуваат храната со него.