Идилата на рекреативните играчи на голф терените во Калифорнија, ја прекинала необичен гостин. Од ведро небо, на еден од терените слетал жив примерок од леопардска ајкула...

Морското куче така се нашло на тревата на голф клубот San Juan Hills, во местото San Juan Capistrano, кое се наоѓа на шест километри одалечено од брегот. Слетал не тревата на еден од терените баш во момент кога на него играле група рекреативци.

Директорката на голф клубот Мелиса Мек Кормак, претпоставила дека морското животно било грабнато од птица грабливка и дека и паднало баш на голф теренот. Во прилог на тоа одат и убодните рани околу грбот и крвта која била видлива околу нив.

Еден од вработените на голф клубот, ја зел ајкулата, ја ставил во возилото за голф и ја однел до просториите на клубот. "Само скокаше наоколу. Мораше веднаш да оди назад во море. Искрено, тоа е најчудната работа која се случила овде".

Ајкулата била држена во солена вода за да преживее додека да биде однесена до брегот.