Маите кои живееат во Гватемала ја оптужија тамошната влада и туристичките организации дека митовите за крај на светот се шират поради алчност...

"Го кремаве гласот поради измама, лага и претварање на нашиот фолклор во извор на профит", изјавил Филипе Гомез, претседател на здружението на Маите.

"Тие не ја кажуваат вистината за временските циклуси", навел тој, алудирајќи на бројните филмови и документарци кои ја промовираат идеата дека календарот на Маите предвидува крај на светот на 21 декември.

Министерството за култура на Гватемала организирало масовна манифестација за тој ден, на која се очекува да присуствуваат повеќе од 90 илјади луѓе, а претставниците на Маите ги замолиле на туристичките заедници да не го организираат овој настан бидејќи ја навредуваат нивната култура.

Стручњаците тврдат дека 21 декември означува крај на календарскиот циклус, а не крај на светот. Во соопштението на здружението на Маите стои дека новиот циклус "го означува почетокот на големите промени на лично и на ниво на заедницата, почеток на хармонија и баланс меѓу човештвото и природата, односно појава на хармонија и рамнотежа".