Иако Twitter не победи, како што се очекуваше, Facebook сепак и понатаму е омилено место за онлајн дружење на американските тинејџери.

Компанијата Piper Jaffray спроведе истражување на примерок од околу 7.700 американски тинејџери, од кои се очекувало да подредат три социјални мрежи, почнувајќи од омилената. Facebook бил на прво место, со 3.280 гласови, 2.118 навеле дека тоа е Twitter, а Instagram падна на трето место со 928 гласови.

Во споредба со минатогодишното истражување Twitter има доста напредувано, додека Facebook полека венее, но не смее да се изгуби од вид дека третиот избор - Instagram - исто така е дел од Facebook и дека минатогодишната количина на Facebook гласови делумно отиде на таа мрежа.

Зад Facebook, Twitter и Instagram останаа Google+ со 430 гласови, како и Tumblr и Pinterest, чиј број на гласови не е објавен. Интересно е што анкетарите од испитаниците барале да се изјаснат и на прашањето која им е втора по ред омилена мрежа, на која најголем број од тинејџерите рекле Google+.