Легендата на американското кино Елизабет Тејлор го помести кралот на поп музиката Мајкл Џексон од листата на најбогатите покојни ѕвезди од шоубизнисот, соопшти редакцијата на списанието Forbes...

Во 2011 година приходите на Лиз Тејлор биле 210 милиони долари, главно од продажба на аукција на нејзиниот скапоцен накит, облека и уметнички дела.

На второ место е Мајкл Џексон со 145 милиони долари, следен од Елвис Присли со 55 милиони.

Освен од аукции Лиз Тејлор добила пари и од пласман на нејзиниот парфем White Diamonds, како и од продажба на недвижен имот.

За следната година, сепак Џексон има сериозни шанси да го врати првото место благодарение на стабилната продажба на музика и други операции, истакнуваат од Forbes.

На четвртото место на листата е уметникот Чарзл Шулц, творец на комична серија "Снупи" (37 милиони долари), а по него е реге ѕвездата Боб Марли со 17 милиони.