Учител на едно училиште во северозападна Англија добил отказ затоа што на своите ученици им покажувал снимки од YouTube за Чак Норис.

Учител на деца од седум до десет години им пуштал видео снимка, поставена на YouTube, во која на комичен начин се прикажани „петте правила“ на славниот акционен херој.

Но, она што на возрасните им е смешно, на децата им делува застрашувачки.

Според пишувањата на таблоидот The Sun, родителите на преплашените деца се жалеле на директорот на училиштето, тврдејќи дека нивните деца се плашат дека „Чак Норис ќе дојде да ги удри“.

Петте правила на Чак Норис се: Чак Норис секогаш има полн шаржер, Чак Норис секогаш прв го задава ударот, никој не може да побегне или да се сокрие од Чак Норис, се што Чак Норис ќе допре се претвара во оружје, Чак Норис секогаш погодува во метата.