Пар од Мичиген решил да се венча на несекојдневен начин.

Изгледа дека зомбиманијата го зафати цел свет и дека маскирањето не е резервирано само за маскенбали, туку и за венчавки.

„Ова е само еднаш во животот и сакавме да не биде конвенционално“, рече младоженецот Тод Ламберт.

Ламберт (40) и Аманда Кусумано (30) се венчале минатата недела во куќата на родителите на невестата, а пасторот кој ги венчал бил облечен како Шерлок Холмс.

Младенците се одлучиле на ваков чекор, затоа што двајцата биле во брак пред тоа и и двајцата имале традиционални венчавки.

Ламберт носел црн костум, додатоци за заби и контактни леќи за да изгледа како чудовиште, а лицето го изфарбал во сиво.

Неговата сопруга носела црн фустан од кадифе, а и се нашминкала како да има излезено од некој хорор филм.