Погледнете ги познатите Дизни убавици во хипстерско издание.

Двајца композитори кои се кријат под името AVbyte одлучиле светот да го развеселуваат со забавни мјузикли.

А судејќи според бројот на кликови кои успеваат да ги соберат на YouTube, на Виџај и Антониус Назарет им оди повеќе од добро. Нивната последна креација, која ги прикажува Дизни принцезите Бела, Снежана, Ариел и Трнорушка во хипстерско издание за помалку од еден месец има над еден милион прегледи.

На прашањето од каде ги црпат идеите за редовно објавување на духовити „мјузикли“, Антониус Назарет изјави: „Во поголем број од случаите едноставно сме понесени од моментот и кај нас тоа оди прилично брзо.“

Овие браќа се преселиле во Њујорк пред две години, а бизнисот снимање шеговити видеа им оди толку добро, што Антониус во меѓувреме одлучи да се откаже од факултетот. Секој понеделник на YouTube претставуваат ново видео, а зошто се толку успешни проверете сами.