Романтиката е меѓу приоритетите на жените, покажува новото истражување, според кое жените сакаат точно 106 романтични минути на ден...

Научниците од универзитетот во Бремен, Германија, и од Технолошкиот институт во Џорџија, САД, сакале да утврдат во што се состои совршениот ден на дамите и откриле дека тие сакаат помалку работа и повеќе забава.

Во споредба со 106-те минути романтика, дамите сакаат да поминуваат само 36 минути на работното место и 33 минути во патување со градски превоз. Повеќето жени изјавиле дека нивните главни приоритети се романтиката и сурфањето на интернет, кое зазема 98 минути од нивниот ден.

Следат социјалните контакти, за кои во идеален случај  претставничките на понежниот пол одделуваат 82 минути дневно. На паузата се посветени други 78 минути од денот, следени од 75 минути за јадење и 68 минути за вежбање и согорување на калории. Пред да приготвуваат храна за 50 минути, дамите сакаат да одвојат 57 минути во муабетење по телефон и 56 минути за шопинг.

Сето ова доаѓа по осум часа непрекинат сон, нешто што жените го сметаат за суштинско пред почетокот на денот. Дамите признаваат дека ако можат, би поминувале 619 минути со партнерот, 103 минути на социјалните мрежи и  74 минути во одмор. Тие исто така целосно би ја отфрлиле работата и патувањето со градскиот транспорт и би поминале само 2 минути во домакинство и грижа за децата.