Бабичка стара 82 години спречила вооружен грабеж на банка во австралиското место Санкз Егиден.

Старата Херта Валекер дошла во банката да го уплати потребното осигурување. Влетал вооружен ограбувач и им се заканил на сите, наредувајќи им на работниците да му спакуваат пари.

Бабичката почнала да вика на него, му ја тргнала маската од лицето и му ја зела торбата со пари.

„Можеби гледам премногу полициски серии на телевизија“, кажала Валекер за автралиските медиуми.

Таа кажала дека покрај неа во банката имало и три мажи, кои не мрднале ни со прст за време на ограбувањето.

Ограбувачот, кој подоцна е идентификуван како Герард П. (62) побегнал по „нападот“ на бабичката, но набргу е уапсен.

„Пораснав во семејство со шестнаесет деца. Мразам неправда“, порача Валекер.

„Месечно добивам 800 евра пензија, а за тие пари морав да работам цел живот. Кражбите ме побеснуваат“, вели бабичката.

Меѓутоа, кога се вратила дома, бабичката била критикувана од внуците кои и кажале дека имала среќа, затоа што ограбувачот можел сериозно да ја повреди или дури и да ја убие.