Приказната од домаќинката од Бредфорд која поминала пет години од своето детсво живеејќи со мајмуните во Колумбија ќе биде раскажана во книга, а се подготвува и документарец за нејзиниот живот...

Марина Чепман научила е да лови птици и зајаци со голи раце откако грабнувачите ја оставиле во џунглата, а нејзината авантура со мајмуните завршила после пет години кога ја пронашле ловци и ја продале на бордел во Кукути. Успеала да побегне и наредните неколку дена живеела на улица, понекогаш била апсена па времето го поминувала во затвор, а кога веќе била во тинејџерските години како домаќинка ја вработило едно семејство од Колумбија. Тогаш добила име Марина Луз.

Во 20-тите години со нив отишла во Бредфор во Велика Британија и таму работела шест месеци пред да го запознае Џон Чепман, тогаш 29-годишен бактериолог, за кој се омажила 1977 година. Таа и нејзиното семејство сега одлучиле да ја раскажат нејзината животна приказна која би привлека внимание во врска за трговијата на луѓе која се случува во Јужна Америка.

Чепман верува дека е родена 1950 и дека била киднапирана кога имала 5 години и била оставена во џунглата. "Претпоставуваме дека нешто тргнало на лошо. Таа се сеќава само дека била измамена со седативи со хлороформ, а што се однесува на животот пред тоа се сеќава само на куклите кои ги имала. Јасно е дека научила да се грижи сама за себе и при тоа само еднаш се разболела, јадејќи отровни бобинки", раскажала нејзината ќерка Ванеса.

Стручњаците велат дека мајмуните без проблем ги прифаќаат луѓето во својот круг, а познат е и случај со момче кое како 4-годишно, година дена живеело со нив во џунглата.

Книгата за животот на Марина е наречена "Девојка без име."