Патниците кои секојдневно со метро се возат на работа во јужна Филаделфија, пред неколку дена биле сведоци на случај кој сигурно ќе го паметат цел живот.

Имено, во метрото преполно со патници кои се возат од северниот дел на градот во јужниот, се породила жена и на свет донела момче.

Жената, чие име не е објавено, тој ден имала закажан лекарски преглед, кога во возот одненадеж почнало породувањето.

Мајката и бебето службениците на Брзата помош после тоа ја одвеле во болница, а двајцата се во добра здравствена состојба.