Американец изнајмил жена да му свртува шлаканици секогаш кога ќе се логира на социјалната мрежа.

Програмерот Маниш Сети од Сан Франциско претерал со „занимациите“ на работно место. Наместо да ги завршува задачите кои му биле доделени за тој ден, малку по малку одел на Facebook за да провери дали има нешто од досада. Работата почнала да трпи, а на Сети му се заканувал отказ.

„Сфатив дека премногу време поминувам на Facebook. Кога кај е мене шефот, или некоја друга личност од авторитет, не ми паѓа на памет да одам на сајтот, но кога сум осамен пред компјутерот, автоматски одам на таа мрежа“, рекол Сети.

Тој се сетил да изнајми личност која би го контролирала кога ќе го прекрши правилото за логирање на Facebook за време на работно време. На сајтот Craigslist дал оглас дека бара некој кој ќе го тепа кога ќе се логира на сајтот!

На огласот се јавила девојка по име Кера, која добива осум долари на час да седи покрај Сети и да му свртува шлаканици кога ќе оди на Facebook.

„Мислите дека тоа е глупост, но пресметав и сфатив дека неделно губам по 19 часа на социјалната мрежа. Така завршувам повеќе работа, повеќе заработувам, и можам да си ги дозволам услугите на Кери“, рекол Сети, кого шефовите го пофалиле поради зголемената продуктивност.