Компанијата за изработка на спортска облека и обувки Reebok дизајнирала патики за највисокиот човек во Америка.

Игор Вовковински (30) кој е висок 2.35 метри, ги пробал патиките со број 70 (по европски стандард) кои се направени специјално за него.

„Чувството е одлично, како да одам по перници“, рекол Вовковински, кој се преселил во Америка во 1989 година за да го оперира туморот кој влијаел на неговиот раст.

Највисокиот човек во Америка се подложил на серија операции, кои ги деформираа неговите стапала, па му било многу тешко да најде обувки кои ќе му одговараат.

„Ме болеа стапалата, кога и да облечев обувки. Се ме глодеше. Секој ден се соочував со болка, а јас сакам да одам и да бидам активен и тоа до сега не го можев“, рече Игор.