Британски научници дошле до заклучок, со скенирање на мозокот на луѓето кои го „прескокнуваат“ појадокот, дека личностите кои не појадуваат подоцна во текот на денот бараат помрсна, покалорична храна.

Со испитување на 21 личност, заклучено е дека мозокот е попривлечен од храната доколку појадокот е прескокнат и дека личностите тогаш повеќе јадат на ручек.

Научниците предупредуваат дека прескокнувањето на појадокот ја отежнува диетата затоа што личностите тогаш секогаш бараат - и земаат - покалорична храна, а нутриционистите тврдат дека појадокот е важен во диетите затоа што улажува апетитот во текот на денот.

Испитаниците кои сите биле со нормална тежина во два наврати им биле покажувани фотографии од калорична храна - кога појадувале и кога го имале прескокнато појадокот. Резултатите на магнетната резонанса покажале дека мозокот бил „понаклонет“ кон калоричната храна во денот кога не појадувале.

Кога на испитаниците им е понуден ручек, на денот кога го прескокнале појадокот, испитаниците јаделе за петина повеќе калории отколку обично.

Тони Голдсон од Империјал колеџ во Лондон кажал дека студијата покажала дека „гладувањето ги прави луѓето погладни и ја зголемува заводливоста на калоричната храна и влијае на количината на храна која се јаде“.

Нутриционистката Кетрин Хенки од Универзитетот Глазгов кажала дека истражувањето покажало дека појадокот „го намалува апетитот“ затоа што го стабилизира нивото на шеќер во крвта.

Научниците најавиле дека слична студија ќе спроведат и меѓу дебели испитаници за да видат дали и нивниот мозок слично реагира.