Феликс Баумгартнер повторно скокна од „работ на вселената“, само што овој скок не е пренесен во живо, а бестрашниот скокач е од пластика.

Скокот од работ на вселената и понатаму го фасцинира светот, а хитот на YouTube каналот е видео од Лего верзијата на скокот кој е направен за потребите на претстојниот Model Maker саем во Виена.

Љубителите на Лего коцките се погрижиле се да изгледа како и пред неколку дена, па направиле и цела армија која го бодреше Лего Феликс. Дури направиле и реплика од балонот, а кога од минијатурната капсула се фрли кон земјата, по „драматичниот“ пад, Лего Феликс дури отвори и падобран.

Исто како што вистинскиот Феликс безбедно се спушти на земјата, така и неговата Лего копија успеа својот скок да го заврши без ниту еден проблем.