Еден новопечен татко вградил мотор во количката и се обидува да влезе во Гинисовата книга на рекорди.

Колин Фурз (33) од Стамфорд во Англија во детската количка вградил мотор од 125cc, гас, кочница и менувач на брзини. Неговата количка оди со 80 километри на час.

„Ми требаа четири недели за да ги направам сите измени на количката, но сега син ми и јас ‘летаме’ по патот, а луѓето запрепастено не гледаат“, вели Колин, татко на малиот Џејк.

За Колин да влезе во Гинисовата книга на рекорди, количката мора да оди најмалку 50 километри на час, а вели дека не се осудува да ја развие целосната брзина додека го вози Џејк.

„Успеав да развијам 80 километри на час, но мислам дека мама Шарлин би ме убила да го ставам детето во количката и да пробам да одам со таа брзина“, рече тој.

Претставниците на Гинис ќе одлучат за тоа дали Фурз ќе го запишат во книгата на рекорди, бидејќи до сега никој не поставил рекорд за најбрза моторизирана количка за бебиња.