Во Велика Британија направен е коктел кој, по цената на уникатниот алкохол кој се наоѓа во него, може да претендира за титулата "најскапиот коктел во светот"...

За да биде признаен пијалокот со цена 5.5 илјади фунти официјално за таков, треба да се почека пресудата на комисијата од Гинисовата книга за рекорди на која веќе има упатена барање.

Според телевизискиот канал Skynews, коктелот е направен од страна на сопственикот на барот Salvatore`s во елитниот лондонски клуб Playboy - Салваторе Калабрезе.

Името на коктелот е "Наследството на Калабрезе" и содржи пијалоци, затворени во шишиња уште пред Француската револуција и прогласувањето на независноста на САД од Велика Британија.

Салваторе е еден од најпознатите бармени во светот. Тој за "Наследството" користел малку ликер од 1770 година, сосема малку коњак од 1778 година и "две капки битер" од почетокот на 1900-тите.

Сегашниот рекорд за цена на одделен коктел им припаѓа на бармени во еден од рестораните во хотелот Burj Al Arab во Дубаи.

На богатите гости таму им нудат пијалок за околу 6 илјади долари.