Познат неурохирург, школуван на Харвард и други познати медицински универзитети, тврди дека го видел рајот.

Доктор Ибен Александер поминал седум дена во кома и тврди дека за тоа време го видел рајот и сега знае дека постои живот после смртта. Своето искуство во задгробиот живот го опишал во новата книга „Доказ за рајот“.

За списанието Newsweek рекол дека на почетокот на своето патување бил на место кое изгледа како бело-розеви облаци, кои се растурени по темно сино небо. Потоа над облаците се појавиле проѕирни, светлечки суштества кои пловеле по небото, оставувајќи траги по себе.

За овие суштества тврди дека не биле ниту птици, ниту ангели, туку некои надсуштества кои не постојат во животот на земјата. Тоа што му било посебно интересно бил звукот кој тие суштества ги произведувале. Рекол дека тој звук можел да се допре, како дожд, но кој не ве намокрува.

И покрај тврдењата кои доаѓаат од овој ценет и познат неурохирург, многумина се уште се скептични.