Неверојатната приказна доаѓа од Велика Британија, каде едно семејство го пронашло своето изгубено милениче кое исчезнало пред шест години.

Пред шест години исчезнало долгогодишното милениче на семејството Хај, мачорот Чарли. Семејството било скршено, и по цел град лепеле плакати барајќи помош при барањето на Чарли, но немале среќа и се помириле со исчезнувањето на своето сакано милениче.

Семејството во меѓувреме се отселило, но неодамно почнале да бараат нова куќа во близина на некогашниот дом и им се случило нешто неверојатно. Во градот Стабингтон забележале мачор кој неверојатно личел на нивниот Чарли.

Му се приближиле и заклучиле дека тоа навистина е нивниот оддамна изгубен миленик, па го одвеле на ветеринар, кој читајќи го чипот на мачката, ги потврдил нивните сомнежи.

Чарли се вратил во своето старо семејство и брзо се навикнал на нив и на животот кој што го имал пред шест години, па полека учи да си игра со останатите миленичиња на семејството Хај.