Едно 22-годишно момче по завршениот факултет одлучило да работи една навистина бизарна работа. Џејми Фокс струдирал англиски јазик и музика на универзитетот во Бангор, но неговите вештини и знаење за новата работа нема да му бидат потребни - имено, Џејми се вработил како плашило...

Негова главна задача е да ги избрка птиците од полето посеано со маслодајна репка во Норфолк. Работата не е претерано тешка, па така Џејми времето го поминува седејќи, читајќи книги или свирејќи ги своите омилени песни. Но, сепак во секој момент треба да биде подготвен да реагира и да ги избрка птиците од полето, а тоа успева да го направи со својата хармоника и кравјото ѕвоно.

"Додека некои луѓе ме исмеваат, други се љубоморни на мојата работа. Не планирам да бидам плашило до крајот на животот, но моменетално ми одговара. Имам многу време за читање но и да одлучам што ќе правам во иднина", изјавил Џејми кој за својата работа добива плата од 400 долари неделно.