Почнало како првоаприлска шега, а сега стана вистина - пиварска фирма од САД го направила тоа што го направила - пиво од тестиси од бик.

Тоа ново пиво, сигурно со многу невообичаен вкус, го направила фирмата Wynkoop Brewing од Денвер во американската соединета држава Колорадо. Го нарекле Rock Mountain Oyster Stout.

„Да, пивото е инспирирано од првоаприлска шега и видео во кое тврдевме дека направивме пиво од тестиси од бик“, рече директорот на пивницата, Енди Браун.

„Ете, од шега направивме сериозна работа. Работиме на такво пиво последните неколку години и ова е одличен доказ“, додаде Браун, кој пивото го опишал како „самоуверено пиво слично на увозното, благо нападно и со длабоко кафеава боја“.

Од интересните состојки, во пивото уште се наоѓаат арома од чоколаден сируп, мексикански ликер со вкус на кафе и еспресо. Инаку, во Колорадо пржените тестиси од бик се вистински деликатес. Пивото ќе се најде во локалните продавници од денеска, 8 октомври.