Едно училиште во Германија забранило давање на домашни задачи на децата.

Средното училиште Елса-Брандстром во Северна Рајна-Вестфалија веќе некое време експериментира со методите кои ќе ги растеретат учениците и со самото тоа да ги направат попродуктивни во некој друг аспект.

Германија ја скрати училишната година, што значи дека денот во училиштето трае подолго за тоа време да се надополни. Управата на училиштето одлучила - забранети се домашните работи!

„Децата и така мораат подолго да останат во училиштето, па нека тоа време го искористат за да завршат се што би требало, за да не би морале додатен материјал да обработуваат дома“, рече професорката Бригите Фонтен.

„Не сакаме детското слободно време да биде во сенка на дополнителна работа. Нека тоа време го искористат за да се занимаваат со спорт или учење на нов јазик, музички инсрумент или уметност.“

Системот „забрането домашно“ ќе биде тестиран во периодот на следните две години за да се утврди дали и колку е ефикасен.