Американец е уапсен откако лажно се претставил како полицаец и барал храна „за џабе“ во Мекдоналдс.

Џозеф Пинеда од Сент Питерсберг, Флорида, дошол во Мекдоналдс „вооружен“ со лажен пиштол и значка. Поминал преку ред, го извадил пиштолот и рекол дека инсистира да му дадат бесплатна храна.

Во Америка пракса е полицајците во униформа најчесто да не мораат да го платат оброкот или кафето, но немаат со закон право на бесплатна ужинка, туку сопствениците и вработените ги честат како знак благодарност што доаѓаат во нивниот локал и го прават крајот безбеден.

Вработените одбиле да му дадат храна, уплашени затоа што мавтал со пиштолот и одбивал да покаже лична карта. Викнале „вистински“ полицајци.

Бидејќи Пинеда не се откажувал, полицајците го совладале и уапсиле, и ќе биде обвинет за изигравање полицаец и недозволено носење на оружје.