Подмладокот на еден британски фудбалски клуб пред секоја утакмица, како мантра, пееле песна од бендот The Prodigy, а кога за тоа дознале музичарите, им станале спонзори.

Селекцијата до 13 години на фудбалскиот клуб Eastleigh Reds од Хемпшир од сега на своите маички имаат и голема мравка, заштитниот знак на бендот The Prodigy.

Имено, децата од овој клуб пред секоја утакмица ја слушале една од најпопуларните песни на бендот The Prodigy, Warriors Dance, а кога Лијам Хауле слушнал за тоа одлучил управата на клубот да ја израдува со спонзорски договор.

„Воодушевен сум што The Prodigy е наш спонзор. Нивната музика за мојот тим, кој е сочинет од деца до 13 години, пред секоја утакмица им беше главна мотивација“, изјави тренерот Крис Чепмен.

За сега не е познато колку е „тежок“ договорот.