Компанијата имала план да ја направи најголемата светска библиотека на интернет книги, така што ќе ги скенира и дигитализира, но тој план е делумно изменет поради авторските права.

Компанијата Google соопшти дека го решиле седумгодишниот правен спор со Асоцијацијата на американските издавачи на книги (AAP), поврзан со дистрибуцијата на дигитални книги преку Google Play и други сервиси на таа компанија.

Спорот започнал уште во 2005 година поради планот на компанијата Google да ги скенира и дигитализира книгита за својата голема дигитална библиотека на интернет. AAP веднаш по објавата на таа идеја на Google изјави дека тој проект ќе наруши бројни авторски права, затоа што во дигитален облик ќе бидат достапни копии од книги чии авторски права се заштитени. Тоа на трети лица би им овозможило без проблем да копираат, дистрибутираат и разменуваат книжен материјал, што, всушност не е дозволено.

Според договорот, кој е постигнат во почетокот на окотмври, американските издавачи самостално имаат право да донесат одлука кое дело ќе биде или нема да биде скенирано и сврстено во таа дигитална интернет библиотека. Другите детали од условот за договор меѓу компанијата Google и AAP уште не се објавени за јавноста.