Новиот роман на Џ. К. Роулинг, „Обичниот одмор“, конечно му стави крај на владеењето на романот „Педесет нијанси на сиво“ од Е. Л. Џејмс.

Можеби мислењата на критичарите за новиот роман на мајката на Хари Потер се поделени, но едно е сигурно - Роулинг знае да напише книга која ќе се продава.

На тоа укажува и фактот дека првиот роман на Роулинг за возрасни насловен како „Обичниот одмор“ ја симна од првото место на бестселер листите еротската сензација „Педесет нијанси на сиво“.

Денеска на број еден на Њујорк тајмс бестселер листата, повторно заблеска името на Роулинг, како во старите добри времиња кога уште ги пишуваше романите за младиот волшебник Хари Потер.

Еротскиот роман „Педесет нијанси на сиво“ од британската писателка Е. Л. Џејмс го сруши рекордот кој претходно го држеа книгите за „Хари Потер“, но Роулинг се заканува да си го поврати статусот на најдолго задржан автор на број еден на Њујорк тајмс бестселер листата.

„Обичниот одмор“ е еден од ретките романи со тврди корици кои се најдоа на број еден бестселер листата, затоа што тоа обично на книгите им се случува дури откако ќе бидат објавени со мека корица, што е во случајот со „Педесет нијанси на сиво“. „Обичниот одмор“ исто така е на првото место на бестселер листата за електронски книги.

Се претпоставува дека Роулинг ќе продаде многу повеќе книги откако „Обичниот одмор“ ќе биде објавен со меки корици, а точниот датум кога ќе се случи тоа засега никој не го знае.